Magda Louw en die kar se sleutel...

Desir Gardner bring haar skreeusnaakse eenvrou-komedie, Magda Louw en die kar se sleutel..., na The Stage Coach toe!

Het jy al ooit haastig by die deur uitgestaan, net om te besef jou kar se sleutels het spoorloos verdwyn? Dan is hierdie die vertoning vir jou!

In Magda Louw en die kar se sleutel... neem die geliefde aktrise Desir Gardner gehore op 'n skreeusnaakse dog diepsinnige reis. Wat begin as n alledaagse, hoogs frustrerende soektog na n verlore sleutel, ontaard gou in n groter lewensondersoek. Terwyl Magda haar man Erhard se voorspelbare vrae (soos "Waar het jy dit laas gesien?") probeer ignoreer, delf sy dieper in haar eie herinneringe. Sy kom gou agter dat n mens soms eers dinge moet verloor om weer dit wat werklik saak maak in die lewe, te herontdek.

Kom geniet n aand propvol lag, deernis en herkenbare oomblikke saam met een van Suid-Afrika se gewildste karakters.

Belangrike Inligting:

• Datums: Vrydag, 20 November 2026
• Tyd: 19:00
• Plek: The Stage Coach (Santos Express, Mosselbaai)
• Kaartjies: R180 per persoon
• 
  

Kaartjies is beperk, so bespreek nou jou sitplek hier op Quicket of skakel 044 691 1995 vir navrae. Sien julle daar!